تجربة الرفض

تجربة الرفض | لقاء في كوفي بحي الملقا للرفض طريقة غريبة في البقاء؛ قد تنتهي اللحظة، لكن صداها يرافقنا طويلًا. كلمة عابرة، علاقة ما اكتملت، صداقة تغيّرت، أو فرصة انتظرناها وما صارت لنا… ثم نجد أنفسنا نراجع ما حدث ونتساءل: هل كان يمكن أن أكون مختلفًا؟ وهل رفض ما فعلته يعني أنني مرفوض بكلّي؟ في لقاء «تجربة الرفض»، بنفتح حوارًا هادئًا وصريحًا عن أثر الرفض في حكايتنا عن أنفسنا، وكيف نفرّق بين خسارة شيء نتمناه وبين خسارة إحساسنا بقيمتنا. وبنجرب لعبة تفاعلية بسيطة: شخص يطلب طلبًا يوميًا خفيفًا، والثاني يردّ بالرفض. بعدها نوقف لحظة ونلاحظ وش صار داخلنا: وش حسّينا؟ وش كان أول تفسير للرفض؟ وهل سمعنا «لا» على الطلب، أو فهمناها كأنها رفض لنا؟ اللعبة مو اختبار، وما فيها إجابات صح أو غلط. هي فرصة نقترب من تجربة الرفض في مساحة ودّية، ونلاحظ كيف تختلف ردودنا بين طلب وآخر. المشاركة اختيارية، وتقدر تمرّر دورك في أي وقت. محاور النقاش: • ليه يوجعنا الرفض؟ وش المعنى اللي نحمله له؟ • كيف نفرّق بين رفض موقف أو طلب، وبين الشعور بأننا مرفوضون كأشخاص؟ • وش يصير داخلنا بعد الرفض: حزن، غضب، انسحاب، أو محاولة لإرضاء الآخرين؟ • كيف ترجع تجارب الرفض القديمة وتطلّ في علاقاتنا الحالية؟ • كيف نتعامل مع الرفض ونحفظ قيمتنا واحتياجاتنا؟ 📍 الموقع: كوفي في حي الملقا 👥 المقاعد: ١٢ مقعدًا، مناصفة بين الجنسين .